___________  

ÞÝÐINGAR

UMSJÓN

79. Sigurður málari: SMALASTÚLKANN, stafrétt útgáfa - Iðunn 1980.

KVIKMYNDIR

Á ÖÐRUM TUNGUMÁLUM

Á þýsku:

Á frönsku:

97.  FUNERAL, a short story, The Icelandic Canadadian dec.1989,;þýðing: Larry Millman.    
98.  THE ISLANDERS, poetry, leshús 1991,; þýðing:  Pétur Knútsson    
99.  Speech at Strasbourg I & Speech at Strasbourg II (frums. á ensku), in "Tvíræður", leshús 1993.    
100.  WHAT DOES THE EIFFEL TOWER MEAN? an essay on modernism; þýðing: Daniel Teague og Ólafur Jónsson,  

Á sænsku:

Á dönsku:

Á norsku:

Á tékknesku:

Á færeysku:

Á slóvenísku:    

115.  OTOCANOVA SAGA, ljóðaflokkur; Vilenica 1996; þýðing:Veno Taufer. 

rvík 04.11.2001 
til 
    formanns rithöfundasambands íslands 
    aðalsteins ásbergs sigurðssonar 
    gunnarshúsi - dyngjuvegi  8 104 reykjaví 

má ég líka rifja það upp að ég hrökklaðist úr rsí á sínum tíma af illri nauðsyn 
mér hafði verið falið að semja um greiðslur fyrir þýðingar - við útgefendur 
kröfurnar sem ég lagði á borðið fyrir hönd meðlima rsí voru einfaldlega um sömu greiðslur og ég þá fékk sjálfur fyrir þýðingar - en þær þóttu nokkuð háar að vísu formaður útgefenda klagaði þessar kröfur til þáverandi formanns rsí sem umsvifalaust vék mér úr samninganefndinni án fundarsamþykkis og tók sjálfur sæti mitt þar 
þegar samningar voru undirritaðir reyndust taxtar rsí fyrir þýðingar vera innan við þriðjungur af þeim upphæðum sem þá voru taxtar mínir 
þegar útgefendur neituðu að greiða mér hærra en samningur rsí hljóðaði upp á voru mér ekki nema tveir kostir handbærir - að hætta öllum þýðingum eða segja mig úr rsí 
ég valdi síðari kostinn - en ég tel mig þó áfram bæði rithöfund og þýðanda með full atvinnuréttindi - og ég man ekki betur en við yrðum sammála um þann skilning 
enda hafðir þú - eins og þegar er sagt - ekki neina haldbæra skýringu á útilokun minni frá höfundatalinu 
ég bað þig líka um að setja tengil á nafn vilborgar dagbjartsdóttur í höfundatalinu en hann er ókominn enn sá tengill er  
http/www.centrum.is/leshus/vilborg_fr_.htm#Vilborg 
ég vænti þess að þú sjáir þér fært að láta setja nafn mitt á ofannefnt höfundatal með tenglinum 
http://www.centrum.is/leshus/leshus_023.htm#verk 
þetta tvennt tekur innan við eina mínútu 
hafi það ekki verið gert innan mánaðar frá dagsetningu þessa ábyrgðarbréfs neyðist ég til að leita eftir nánari skýringum á þessu einelti ykkar við mig 
með kærri kveðju - þorgeir þorgeirson 

daginn sem bréfið barst rsí var höfundatalið tekið út af vefsetri þeirra með eftirfarandi tilkynningu  
Ekkert rithöfundatal er birt hér á síðunum en upplýsingar um félaga  í Rithöfundasambandinu má nálgast undir tenglinum "Félagar" 

í framhaldi af þeim viðbrögðum var enn skrifað bréf

rvík 08.11.2001 
til 
     formanns rithöfundasambands íslands (II) 
    aðalsteins ásbergs sigurðssonar 
    gunnarshúsi - dyngjuvegi  8 104 reykjaví 

nú sé ég að þið hafið útrýmt rithöfundatalinu af vefsetri rsí og væntanlega teljið þið ykkur laus allra mála gagnvart kröfum um að þið virðið atvinnuréttindi mín 
dapurlegt er að sjá þessi snöru viðbrögð  
þau minna  á gamla daga  austantjalds á kaldastríðsárunum  
 svona hefði rithöfundasamband tékkóslóvakíu brugðist við kröfu rithöfundar um almenn mannréttindi árið 1960 en þar var forysta rithöfunda þá ekkert annað en launaðir ríkisstarfsmenn - eins og þið raunar eruð hér og nú 
aðferð ykkar er dæmigerð aðferð skriffinna - útrýming röksemda með glópakænsku 
glópakænskan dugði tékkneskum leiguþýum ríkisvaldsins árið 1960 vegna þes að engin mannréttindalög voru í landinu 
og geðþóttavald ríkisfulltrúa ákvarðaði allan rétt manna 
en glópakænska dugir ekki gagnvart viðurkenndum grundvallarréttindum manna þar sem þau eru lögfest 
þó ráðstöfun ykkar fullnægi innanfélagskröfum er það ekki nóg 
hún verður að fullnægja lögréttum dómarakröfum ef til málaferla kemur 
það gerir hún ekki 
þó þið útrýmið rithöfundatali standa atvinnuréttindi mín óhögguð - og eins er um atvinnuréttindi allra þeirra sem hrakist hafa úr samtökunum 
  
þegar heimasíða með þjónustu við rithöfunda og lesendur þeirra er kostuð af almannafé verður hún að gagnast  öllum jafnt og flytja tæmandi upplýsingar sem gestir síðunnar geta treyst 
lagaákvæðin um rétt manna til að vera utan fagfélaga eru einmitt sett til þess að ekki sé hægt að hafa atvinnuréttindi af fólki með því einu að hrekja það úr félagsskap 
hver sá sem einhvern tíma hefur verið meðlimur rsí hefur þaðan af full atvinnuréttindi rithöfundar og þýðanda 
engin glópakænska getur komið í veg fyrir það  
  
nú þegar þið hafið útrýmt rithöfundaskrá vaknar bara krafan um að þið fullnægið jafnræðisreglunni með því að setja alla þá sem hafa sagt sig úr rsí inn á félagatal með sömu þjónustu og það veitir öðrum fullgildum höfundum og lesendum þeirra - eða birtið sérstaka skrá yfir okkur utanfélagsmenn sem verði jafn aðgengileg og félagatalið  
það mundi fullnægja lögréttum dómarakröfum í landinu og firra ykkur leiðinda ámæli  
en jafnræðis verður að gæta í réttarríki - hversu þungbært sem stjórnendum rithöfundasambandsins finnst það 
  
að lokum vildi ég mega þakka ykkur fyrir að setja nú loksins tengil á nafn vilborgar í félagatalinu - mér þótti slæmt að hún skyldi þurfa að sæta útilokun vegna eineltisins gagnvart mér 
ekki síst þar sem hún er verðskuldaður heiðursfélagi sambandsins 

með kærum kveðjum          þorgeir þorgeirson 
  
ps verði brúnleitt duft í umslaginu er það hættulaust 
       neftóbak - en ljóðið  á baksíðunni er tileinkað rsí