Dyradalur myndir

DYRADALUR: gönguleiðir frá Dyradal

Stutt leiðarlýsing: Dyradalur - Marardalur - Engidalur - Húsmúli - Sleggjubeinsskarð - VörðuSkeggi

Hér kemur nánari leiðarlýsing ásamt myndum:

Upphaf gönguleiðar um Dyradal (sjá mynd hér til vinstri). Nesjavallavegur liggur í gegnum Dyradal. Um er að ræða fornan veg sem þarna lá um svokallaðan Dyraveg. Upplýsingaskilti er við bílastæðið. Hægt er að velja um nokkrar gönguleiðir frá Dyradal.

Gönguleið liggur frá Dyradal í suðurátt, um Marardal, Engidal, vestan meginn um Húsmúla. Leiðin endar svo í Sleggjubeinsdal (ca.13 km löng gönguleið, 4-5 klst ). Önnur gönguleið liggur í norður frá Dyradal. Hún liggur um Dyrafjöll í átt að Botnadal (4,5 km. 1-1,5 klst).

Síðan er hægt að velja um nokkrar aðrar mismunandi leiðir frá þessum. Best er að skoða þetta á korti.

Hengill séður frá upphafi gönguleiðar í Dyradal

Horft að Skeggja frá Dyradal. Myndin er tekin frá bílastæðinu og upphafi gönguleiðarinnar, horft er í suður.

Gönguleið sú sem ég mun minnast á hér liggur frá Dyradal um Hálsana, Klungrin og svo að Vörðu-Skeggja. Hæðsta topp Hengilssins.

Í fyrstu valdi ég leið sem telst til megingönguleiða, sem hefur verið skilgreind "venjuleg" í erfiðleikastigum.

Þar sem ég ætlaði upp á Skeggja þá fór ég útaf megingönguleiðinni og fór um aðra leið sem hefur verið skilgreind sem "brött gönguleið".

Gönguleiðin er alls ekki svo erfið ef menn fylgja merktum gönguleiðum. Og ég mæli með því að göngufólk fylgi merktum leiðum. Myndin hér fyrir ofan er tekin úr gili sem ég tel heita eða er kallað Klungrin.

Á leiðinni eru lautir og gil þar sem er upplagt að stöðva förina og fá sér nesti. Þingvallavatn sést í fjarska.

Myndir AÞE; Ágúst 2002